पात्लेखेत – ६ वाखेत का शेर ब. पुन पुरस्कृत

पात्लेखेत – ६ वाखेत का शेर ब. पुन पुरस्कृत

बिगत ३ बर्ष देखि ब्यबसायिक बाख्रापालन मा लागेका शेर ब. पुनजी लाई पुरस्कार प्राप्त भएको खबर  म्याग्दी अनलाईन छापिएको छ।

खबर तल हेर्नुहोला

पशुजन्य व्यवसाय प्रर्वद्धनका लागि सात लाख मूल्यका सामाग्री सहयोग
Written By : म्याग्दी अनलाइन on July 8, 2014

सन्तोष गौतम
म्याग्दी, २४ असार । जिल्ला पशु सेवा कार्यालय म्याग्दीले पशुजन्य व्यवसायको प्रर्वद्धनका लागि मंगलबार सात लाख रुपैया मूल्य बराबरका उपकरण सहयोग गरेको छ । चार वटा डेरी पसल र तीन वटा मासु पसल सञ्चालकलाई मंगलबार एक कार्यक्रमको आयोजना गरि उपकरणहरु हस्तान्तरण गरिएको हो । एक थान चिलीङ भ्याट भेसीन, ३ वटा फ्रिज, ७ वटा डिफ्रीज, तीन वटा टेबुल, तीन वटा डिजीटल तौलने मेसीन र तीन वटा मासु काट्ने चक्कु उपलब्ध गराइएको छ । मासु र दूध व्यवसायमा गुणस्तरीयता वृद्धी गराउन सात लाख रुपैया मूल्य बराबरको उपकरण सत प्रतिशत अनुदानमा उपलब्ध गराएको जिल्ला पशु सेवा कार्यालय म्याग्दीका प्रमुख बरिष्ठ पशु चिकित्सक डाक्टर दयाराम चापागाईले जानकारी दिनुभयो ।
सामाग्री हस्तान्तरण कार्यक्रममा मन्तव्य व्यक्त गर्दै प्रमुख जिल्ला अधिकारी टेकबहादुर केसीले उपलब्ध गराइएका उपकरणहरुले व्यवसाय प्रर्वद्धनका साथै उपभोक्ताहरुले स्वस्थ्य मासु तथा दूध उपभोग गर्न मद्दत पुग्ने अपेक्षा व्यक्त गर्नुभयो । उक्त अवसरमा म्याग्दीको पशु पालन क्षेत्रमा प्रशसनिय काम गरेको भन्दै भगवतीका नन्दबहादुर भण्डारी, घारका नारायण बरुवाल, भकिम्लीका धनबहादुर श्रीस र पात्लेखेतका शेरबहादुर पुनलाई पुरस्कृत गरिएको थियो । स्थानीय विकास अधिकारी बिष्णुप्रसाद शर्माको अध्यक्षता, जिल्ला पशु सेवा कार्यालयका पशु स्वास्थ्य प्राबिधिक डिल्लीराम रेग्मीको सञ्चालनमा सम्पन्न कार्यक्रममा कार्यालयका पशु स्वास्थ्य प्राबिधिक सुभाष रेग्मीले स्वागत गर्नुभएको थियो ।

Comment Here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s