जेठाजु खोला तिर बाट बुहारी खोला तिर

जेठाजु खोला तिर बाट बुहारी खोला तिर

फेरि पनि लाचे ले नयाँ लाईन खोपेर गयो।
जुरेली ले यसपाली पनि कूकू कै बच्चा जन्मायो
चिबे ले बयसको रुखमा गुँड लगायो
काफल पाक्यो चरीले आफ्नो प्रदेशी पितालाई बोलायो
आकाशे जेली जरा बिना नै मौलायो
बुढाहरुले आकाश हेरेर भने
पानी परेन कहाँ पापीष्टा पर्यो
खडेरीले चुसेका कोपिलाहरु
अभावले बिगारेका अुनहार जस्तै
बैश पनि कान्छाको डण्डिफोरले खनेर गयो
सँस्कार धान्दा धान्दै बुढो भएको बाजे को जस्तो
लाहुरेलाई पर्खदा पर्खदै बुढी भएकी फूपु को जस्तो
हो माया लाउनेहरु को सम्झनामा
लेखेका लामा छोटा कबिताहरु पान्नाहरु
हलो ले जोत्ने नमिल्ने फगता मा
अर्नीमा छोप राखिएको भेटिएछ
बैश फगत फगता जस्तै भएछ
पर्खनेहरुको लागी समाय कति पत्यार लाग्दो हुन्छ
तलाउ मा एैना हेरे बैश सम्झनेको कथा
रितु देखेर महिना सम्झनेहरुलाई
चिठ्ठी को के आशा तिमी आए पुग्छ
उ लेख्छ चौतारामा ढुगे अभिलेख
चौतारा पोखरी को मौला मा खोप्छ
सुर्य चन्द्र, सर्प-भ्यागुताको चित्र
एउटा सपना सन्तान को सपना भित्र
सिलो टिपेको आलु जस्तै प्यारो
बिलो लगाएको राँगो मासु जस्तै
किलो काटेको भैसी जस्तै
पर्खाई नै प्यारो लागेको फूपुलाई
बैशले अनक्ठ्ठै परेका तन्नेरीहरु
यो बुढी मरे थात कुरुम्ला पो भन्छन
पापीष्टा पर्यो भन्ने बुढाहरु
जेठाजु- बुहारी खोला को पानी जोडिए
पाप पखाल्न बर्षा हुन्छ रे
कुलो खन्दै थिए
जेठाजु खोला तिर बाट बुहारी खोला तिर
संयोग नै हो पानी पर्छ
मक्केका फूपुको घर भट्किन्छ
पुरिएर मर्दछिन पानी भन्न नपाई
पानी परेको खुसीमा गाउँले खेति शुरु गर्छन
रमाईलो हुने खुसीमा ठिटाहरु थात कुर्छन।
यो कुलो फेरि पनि खनिनेछ
जेठाजु खोला तिर बाट बुहारी खोला तिर
भो नसाच बैश फुपुले जस्तै
ऐेना हेरेर बैश सम्झनलाई
मैले आकाश हेरे उनि मरेको दिन
सुर्यमा ईन्द्रेणी लागेको थियो
बिचरा अभागी फूपु को भाग्यमानी मरण
एउटा पन्ना उडेर आयो मेरो छेउ
” गाईले घाँस खायो सक्यो
आईन चिठी छे मैना भैसक्यो ”
मैले आँसु खसाले
एउटा शब्द धमिलो भयो।

Comment Here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s