मण्डलीथान याम रोका को शुभबिबहा

Nov 14, 2013 (मँगसीर १४ ,२०६९)

घारसुन्ना लालीगुरास युवा क्लव का अध्यक्ष याम ब. रोका ज्यु को आज सुभबिबहा भोज कार्यक्रम छ।  उहाँ को सुखद दाम्पय जीवनको कामना गर्दछ।

बिध्योदय निमाबि वाखेत को पुस्ताकालय निर्माण मा उहाँ को योगदान वाखेत ले कहिल्यै भुल्न सक्दैन। उहाले गाजा युवा कल्ब बागलुङ मा काम गर्नु भएको छ। गाजा युवा कल्वले नै रिड टु रुम को आर्थिक सहयोग मा पुस्तकालय अभियान अन्तर्गत म्याग्दी का २२ स्कुल मा पुस्ताकालय स्थापना गरेको छ। वाखेत स्कुल छनौट मा पर्नु मा याम रोका को योगदान लाई वाखेत ले कहिल्यै भुल्नु हुदैन। युवा कल्व को  अध्यक्ष रहदा उहा को कार्यकाल मा वाखेत ले निक्कै फड्को मारेको छ। पहिलो पटक बिदेश बाट हरेलो मेलामा  सबै खेलकुद को  पुरुस्कार स्पोन्सर पाएको छ र बिधोदय निमाबि लाई कल्बले २० हजार रुपैया सहयोग गर्न सफल भएको छ।

 

-घारसुन्ना लालीगुरास युवा क्लब वाखेत परिवार

-सम्पुर्ण वाखेत परिवार

Yam Roka Wedding

Advertisements

‘चिमखोले फेसवुक समुह’ माफर्त हाजिरीजवाफ

कमल खत्री ÷म्याग्दी

मंगसिर २५, २०६९ ( Dec 10, 2012)

साभार बेनी अनलाईन बाट http://benionline.com.np/19975.html

मंसिर, २५ गते ।म्याग्दीको चिमखोला गाविसमा रहेर अहिले देश तथा विदेशमा रहेकाहरुको फेसवुक पेज ‘चिमखोले फेसवुक समुह’ले विद्यार्थिहरुको अन्तरनिहित क्षमताको प्रस्फुटन गर्दै प्रतिस्पर्धात्मक क्षमताको विकास गर्ने उदेश्यले गाउँमै हाजिरीजवाफ प्रतियोगीता आयोजना गरेको छ ।

पाखापानी स्रोत केन्द्रका विभिन्न १० विद्यालयको सहभागीता रहेको अन्तर प्राथमिक हाजिरीजवाफ प्रतियोगीतामा जनआदर्श प्रावि कोटगाउँ प्रथम, जनसुन्दर प्रावि पात्लेखर्क द्धितिय, विद्योदय निमावि वाखेत तृतिय र जनसेवा प्रावि मंगले सान्त्वना भएका छन् ।

समुहले शुक्रवार आयोजना गरेको हाजिरीजवाफ प्रतियोगीतामा प्रथम हुने विद्यालयलाई नगद २ हजार, रनिङशिल्ड, जिन्सी र प्रमाणपत्रले पुरस्कृत गरिएको थियो । त्यस्तै द्धितियलाई नगद १५ सय,जिन्सी र प्रमाणपत्र तथा तृतियलाई नगद १ हजार, जिन्सी र प्रमाणपत्रले पुरस्कृत गरिएको ‘चिमखोले फेसवुक समुह’ का नेपाल एडमिन गणेश पुनले जानकारी दिनुभयो ।

गतबर्षदेखी म्याग्दीको अमर मावि पाखापानी स्रोत केन्द्रका प्राथमिक विद्यालयका विद्यार्थीहरुलाई अतिरिक्त क्रियाकलापमा सहभागी गराएर सोही स्रोत केन्द्रको चिमखोला स्थित रहेको अमरमावि चिमखोलामा अन्तर प्रावि स्तरिय रनिङसिल्ड हाजिरीजवाफ प्रतियोगीता सुरु गरिएको थियो ।

त्यस्तै प्रतियोगीतामा सान्त्वना र सहभागी विद्यालयलाई समेत आयोजकले प्रमाणपत्रले सम्मान गरेको थियो । चिमखोलामा जन्मिएर अहिले विभिन्न ठाउँमा रहेकाहरु १ सय ८८ जना आवद्ध भएका ‘चिमखोले फेसवुक समुह’ ले समुहमा आवद्ध भएकाहरुबाट आर्थिक संकलन गरेर अन्तर प्राथमिक हाजिरीजवाफ प्रतियोगीता आयोजना गर्न सुरु गरेको जनाएको छ ।

पुख्यौली गाउँबाट विभिन्न शिलशिलामा देश तथा विदेशमा छरिएर रहेकाहरुलाई एकिकृत गरि गाउँको शैक्षिक गुणस्तर सुधार गर्ने हेतुले यसरी फेसवुक समुह मार्फत विद्यालयको प्राथमिक तहमा विविध प्रतियोगीताको आयोजना गर्न सुरु गरिएको चिमखोले फेसवुक समुहका हेड एडमिन विरन पुनले टेलीफोन मार्फत जानकारी दिनुभयो ।

हाल अध्ययनको शिलशिलामा साईप्रसमा रहनुभएका हेड एडमिन पुनले ग्रामीण भेगमा रहका बालबालीकाहरुको शैक्षिक गुणस्तर सुधार र प्रतिस्पर्धात्मक क्षमताको विकासका लागी छरिएर रहेका चिमखोलाबासीहरुलाई एकिकृत गर्ने अभियानमा चिमखोले फेसवुक समुह लागी परेको बताउनुभयो ।
गत बर्ष समुहले समुहमा आवद्ध भएकाहरुबाट ५५ हजार रुपैयाँ आर्थिक संकलन गरेको थियो, फेसवुक समुहका नेपाल एडमिन गणेश पुनले भन्नुभयो ‘यो कार्यक्रम संचालन गर्नका लार्गी समुहका हेड एडमिन विरन पुनले १६ हजार ५ सय रुपैयाँ सहयोग पठाउनुभएको छ भने हालै चिमखोलामा घर भएर हाल अमेरीकामा वस्दै आउनुभएका टिका पुनले ५हजार, मन्जु पुनले ५ हजार र निलम गर्वुजाले २ हजार रुपैयाँ सहयोग स्वरुप पठाएका छन् । ’

समुहले गरेको दोस्रो बर्षको कार्यक्रम अन्र्तगत शुक्रवार चिमखोला स्थित अमर माविमा स्थानिय हिमाली आमा समुह, गाउँ संचालन समिति, विद्यालय व्यवस्थापन समिति, मण्डली युवा क्लब लगायत विभिन्न विद्यालयका प्रतिनिधिहरुको भव्य समारोहका विच अन्तर प्रावि स्रोत केन्द्र स्तरीय हाजिरिजबाफ प्रतियोगीता सम्पन्न भएको छ ।

विद्यालय व्यवस्थापन समितिका अध्यक्ष गम वहादुर पुनको अध्यक्षता तथा स्थानिय युवा कलाकार कमल पुनको प्रमुख आतित्यथामा भएको कार्यक्रममा चिमखोला गाविसका कार्यबाहक अध्यक्ष देउ प्रसाद पुन, विद्यालयका प्रअ पृथ वहादुर थापा, कार्यक्रमका अतिथि, खम थापा मगर, जनआदर्श प्राविका शिक्षीका विना पाईजाले प्रावि स्तरिय हाजिरिजबाफ प्रतियोगीताले स्रोत केन्द्रमा रहेका विद्यालयका विद्यार्थीहरुविच प्रतिस्पर्धात्मक भावनाको विकास गर्न सहयोग पु¥याएको बताउनुभयो ।

त्यस्तै कार्यक्रममा बोल्दै पत्रकारद्धय कमल खत्री र सन्दीप खत्रीले सामाजीक सञ्जाल फेसबुकको समुह माफर्त यसरी सदरमुकाम देखी टाढाको दुरीमा रहेका विद्यालयहरुलाई आपसी रुपमा शैक्षिक गुणस्तर सुधार गर्दै प्रतिस्पर्धा गर्ने क्षमताको विकासका लागी चिमखोला फेसवुक समुहले गरेको कार्यक्रम नमुना भएको बताउनुभयो ।

कार्यक्रममा प्रमुख अतिथि युवा कलाकार कमल पुनले ‘चिमखोलाको चुईँयाको डोको ’ वोलको गित समेत प्रस्तुत गर्नुभएको थियो भने कार्यक्रमको संचालन चिमखोले फेसवुक समुहका नेपाल एडमिन गणेश पुन, शिक्षक कर्ण खत्री र भोज वहादुर छन्त्यालले गर्नुभएको थियो ।

टोड्केमा पर्यटकिय पुर्वाधार विकास गरिने

 

अगन्धर तिवारी
म्याग्दी, २२ कात्तिक ( 7 Nov 2012)

बेनी अनलाईन बाट साभार  http://benionline.com.np/19292.html
अहिलेसम्म अर्ध पर्यटकिय क्षेत्रका रुपमा चिनिँदै आइरहेको जिल्लाको उत्तरी गाविस कुहुँको टोड्के धुरीलाई प्रमुख पर्यटकिय गन्तव्यका रुपमा विकास गर्न जिल्लाका सरोकारवालाहरु जुर्मुराउन थालेका छन् । सदरमुकामदेखि करिव सात कोषको दुरीमा रहेको टोड्के धुरीलाई धार्मिक तथा पर्यटकिय रुपमा विकास गर्नका लागि पर्यटन गुरुयोगना नै बनाएर अघि बढ्ने योजनाका साथ यतिबेला जिल्लास्तरका सबै शक्तिहरु लागिपरेका छन् ।
१. टोड्केमा जडान गरिएको टेलिस्कोपबाट पहिलोपटक मनोरम दृश्यालोकन गर्दै प्रमुख जिल्ला अधिकारी चन्द्र कार्की ।
करिव वर्षदनअघि टोड्के क्षेत्रविकास कोष गठन गरेका सरोकारवाला व्यक्ति तथा जिल्लाका सम्बन्धित सरकारी कार्यालयहरुले अब टोड्केलाई जिल्लाका प्रमुख गन्त्व्यमध्येको एक उत्कृष्ट गन्तव्यका रुपमा विकास गर्ने प्रतिवद्धताका साथ अघि बढेका हुन् । त्यसबारे अध्ययन गर्न जिल्लाका प्रमुख निकायहरुको एक टोली सोमबार र मंगलबार टोड्के क्षेत्रको भ्रमण गरि फर्किएको छ ।

टोड्केको पर्यटन विकासमा सहयोग गर्ने उद्देश्यले जापानस्थीत ओकोयामा युनिभर्सिटी तथा अल्पाइन क्वव जापानले संयुक्त रुपमा करिव तिन लाखभन्दा बढि मुल्यबराबरका टेलिस्कोप, ल्यापटप र प्रिण्टर उपवल्ब्ध गराएका थिए । ओकोयामा युनिभर्सिटीले उपलव्त्रध गराएको टेलिस्कोपको शुभारम्भ गर्न टोड्के पुगेका सबै सरोकारवालाले छिट्टै टोड्के क्षेत्रको पर्यटकिय गुरुयोजना तयार पारि कार्य प्रारम्भ गर्ने प्रतिवद्धता जनाए । साथै टोड्केको प्रचारप्रसार र पर्यटकिय गुरुयोजनामा सहयोग गर्नका लागि काठमाण्डौस्तीत तारा गाउँविकास समितिको एक टोली पनि सो क्षेत्रको अध्ययन गरि फर्किएको छ । गुरुयोजनामा दुइ लाख रुपैयाँ आर्थिक सहयोग गर्ने प्रतिवद्धता जनाएर उक्त टोली फर्किएको टोड्के क्षेत्रविकास कोषका अध्यक्ष मोहनबहादुर खत्रीले बताए ।
२. टोड्के क्षेत्रबाट देखिने मनोरम हिमाली दृश्य । 
टेलिस्कोप शुभारम्भ गर्न टोड्के पुगेका सरोकारवालाहरुले टोड्के क्षेत्रमा उत्पादन हुने मुला, आलुलाई व्यवसायिक उत्पादन गर्ने, टोड्के धुरीमा भ्यू टावर निर्माण गरिने, खानेपानीको सुविधा सहज बनाउने, टोड्के क्षेत्रविकास कोषको कार्यालय स्थापना गर्ने, होमस्टे तथा सुविधासम्पन्न होटल निर्माण गरिने लगायतका पर्ुवाधार निर्माण गरिने जनाए । करिव २६ सय मिटरको उचाईमा रहेको टोड्के धुरीबाट अन्नपर्ुण्ा र धौलागिरि रेञ्जमा पर्ने करिव एक दर्जनबढि हिमालका चुचुराहरु, सुर्योदय र सुयास्तको मनोरम दृश्य देखिनुका साथै लालिगुराँसको घना जंगल, लगायत धौलागिरिका सबै जिल्लाका बिभिन्न भागहरु समेत सजिलै देख्न सकिन्छ ।

टेलिस्कोप शुभारम्भ कार्यक्रममा बोल्दै जिल्ला न्यायधिस बिनोदराज शर्माले जिल्ला सदरमुकाम नजिकै भएर पनि टोड्के क्षेत्रको प्रचारप्रसार नहुनु र पर्यटकहरुको ध्यान जान नसक्नु दुखद कुरा भएकोले यसमा सबै क्षेत्रको सहयोग आवश्यक रहेको बताए । त्यस्तै प्रमुख जिल्ला अधिकारी चन्द्र कार्कीले टोड्केको प्रचारप्रसार गरि पर्यटक भित्र्याउन सकेमा म्याग्दी जिल्ला र धौलागिरिकै अर्थतन्त्रमा सुधार आउने बताए । कार्यक्रममा स्थानीय विकास अधिकारी विष्णुप्रसाद शर्माले अब टोड्के क्षेत्र पुरानो टोड्केमा पक्कै पनि नरहने बताए । ‘यो क्षेत्रको विकासका लागि हामिले तत्कालै दुइ लाख रुपैयाँ बिनियोजन गरिसकेका छौं ।’ उनले भने-’गुरुयोजनाका लागि आवश्यक पुर्वाधार निर्माण गर्न कोषसँगको सहकार्यमा जिविस जहिले पनि संगै रहने छ ।’ पुर्वाधारमध्ये सबैभन्दा पहिला भ्यू टावर र कम्तिमा पनि दश जनासम्म पाहुना बस्न मिल्नेगरि सुविधासम्पन्न होटल निर्माण गर्न जिविसले सहयोग गर्ने उनले बताए । त्यस्तै पत्रकार महासंघ म्याग्दीका सभापति सुरत केसीले सरोकारवाला निकायहरुले पुर्वाधार विकासको शूरुआत गरे सञ्चारमाध्यमबाट कुनै कमजोरीबिना नै प्रचारप्रसार गर्ने बताए ।

त्यस्तै टोड्के क्षेत्रको विकासका लागि स्थापना भएको टोड्के क्षेत्रविकास कोषका अध्यक्ष मोहबहादुर खत्रीले टोड्केको विकासका लागि कोषले गुरुयोजना तयार गरिसकेको बताए । ‘हामिले गुरुयोजनामा यो क्षेत्रका सबै पुर्वाधार समेटेर कागजि प्रकृया सबै पुरा गरिसकेका छौं ।’ उनले भने-’त्यसका लागि समितिसँग एकलाख रुपैयाँ छ । जिविसले दुइलाख र तारा गाउँविकास समितिले दुइ लाख रुपैयाँ दिनेभएको छ ।’ अहिले पाँच लाख रुपैयाँबाट पुर्वाधार निर्माणको काम शुरु गरिने र आउँदो पाँच वर्षम्ममा वाषिर्क दश हजारभन्दा बढि बाहृय तथा आन्तरिक पर्यटक भित्र्याउने लक्ष्य रहेको उनले बताए ।

ऐतिहासिक हिसावले पनि प्यूठानमा अवस्थित र्स्वर्गद्वारी बाबाले यहा आएर तपस्या गरेको, उनका अनुयायीहरु समेत वषौंसम्म यहाँ बसेको लगायतका आधिकारिक अवषेसका प्रमाणहरु अझैसम्म रहेको स्थानीय दामोदर रिजालले बताए । अहिलेसम्म प्रचारप्रसार र पुर्वाधार अभावका कारण ओझेलमा रहेको टोड्के क्षेत्रको विकास जिल्लाको ऐतिहासिक काम हुने धौलागिरि पर्यटन परिषदका अध्यक्ष अमर बानियाँ बताउँछन् ।

सदरमुकाम बेनीदेखि कच्चि मोटरबाटो हुँदै करिव डेढ घण्टाको समय र पैदल यात्रा गरेमा पनि चार घण्टामा पुग्न सकिन्छ । साँझ बास बस्नेगरि जानुपर्ने टोड्केमा सुर्यास्तको मनोरम दृश्यावलोकनका लागि भने साँझ करिव चार बजेभन्दा अगाडी नै पुग्नुपर्ने हुन्छ । अब पुर्वाधारको पहिलो चरणका रुपमा टेलिस्कोप जडान गरेपछि त्यहाँबाट हिमाली रेञ्जका मनोरम दृश्यावलोकनका लागि अझै सहज हुनेभएको छ ।
तस्विरः अगन्धर तिवारी/म्याग्दी ।