गलत लाग्छ मलाई मेरो देशको ईतिहास

गलत लाग्छ मलाई मेरो देशको ईतिहास
– भुपी शेरचन
जब म यी भोकमा डूबेका चोकहरुमा
यी वैलाएका कलिजस्ता गल्लीहरुमा
हेर्छु एक- दुई दिन बसेर बास
तब मलाई गलत लाग्छ
मेरो देशको ईतिहास
यो बाटोको बीचमा माटो खनेर
बसेका देवताहरु
यो बुझेर पनि लाटो बनेर
बसेका मानिसहरु
यो भुकम्पपीडित मन्दिर
ढल्केका गजूरहरु
यी सालिक बनेर दोबाटोमा
उभिएका हजुरहरु
जब देख्छु म यी सबलाई
सधैं त्यहीं – सधैं उस्तै र
सधैं एकनास
तब मलाई गलत लाग्छ
मेरो हुरीको ईतिहास
जब म
असङ्ख्य ्सीताहरुलाई सधैं
बाटो- दोबाटोमा,
गल्ली- गल्लीमा,
बजार- बजारमा,
देश- बिदेशमा,
युक्लिप्तसका रुखझैं नङ्ग्याइएको देख्छु
अनि जब देख्छु असङ्ख्य भीमसेन थापाहरुलाई
निस्पन्द, निश्चल, शिथिल चूपचाप उभिएका
आफनो आत्माको गीत झारेर
कल्कीका बोटझैं
दुवै हात तल झारेर
तब मलाई गरुँ- गरुँ झैँ लाग्छ
आफ्नै रगतको उपहास
जब म
यी भोकमा डूबेका चोकहरुमा
यी वैलाएका कलिजस्ता गल्लीहरुमा
हेर्छु एक- दुई दिन बसेर बास
तब मलाई गलत लाग्छ
मेरो देशको ईतिहास
सुन्छु: अमरसिंह काँगडासम्म बढेको कुरा
सुन्छु: तेन्जिङले सगरमाथा चढेको कुरा
सुन्छु: बुद्धले धरामा शान्तिको बीउ छरेको कुरा
सुन्छु: अर्निकोको कलाले विश्व- मन हरेको कुरा
सुन्छु: सधैं सुन्छु र केवल सुन्छु
तर मलाई हुँदैन विश्वाश
जब म
यी भोकमा डूबेका चोकहरुमा
यी वैलाएका कलिजस्ता गल्लीहरुमा,
हेर्छु एक-दुई दिन बसेर बास
तब मलाई गलत लाग्छ
मेरो देशको ईतिहास
यो मेरो सत्य ईतिहास

Comment Here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s